Social

Rathyatra - 2017

Rath Yatra – a mega event of social harmony celebrated by all communities - casts and creeds. With the inspiration of Sadgurvarya Shastri Shree Madhavpriyadasji Swami SGVP Gurukul Parivar organised Ratha Yatra in the decennial year of Celebration by Shree Swaminarayan Gurukul, Ahmedabad under the guidance of Purani Shree Balkrishnadasji Swami on the auspicious day 25 June, 2017.
In the preparation of various inspiring floats of Rath Yatra Gurukul Parivar paid 3000 Volunteer hours, whereas during Rath Yatra 400 volunteers rendered various services nine hours continuously. In all, tirelessly 6,600 volunteer hours resulted in very successful social harmonical event of Rath Yatra. SGVP Gurukul AUSTRALIA provide the partial fund for the activity. We are very thankful for the donors who generously donate for the cause.
In the beginning, 108 lady devotees performed the worship of Bhagawan Jagannath and then thousands of people performed Darshan of marvelous Rath Yatra including various inspiring floats. It was followed by the cleaning of entire route of Rath Yatra by volunteers.
In the end, assembly was held on the pious occasion of Birth anniversary of Shastriji Maharaj Shree Dharmajivandasji Swami, founder of Gurukul tradition in modern era.

 

Footwear Distribution 2017

In the hottest summer time, with the inspiration of Sadguruvarya Shastri Shree Madhavpriyadasji Swami and under the guidance of Purani Shree Balkrishnadasji Swami, Gurukul Parivar Distributed the 3400 pairs of footwear in the surrounding area of Memnagar, Ahmedabad.
In the slum areas and roadsides, youths of Gurukul Parivar personally distributed the footwear to barefooted children, elders and old persons.

 

 

Distribution of helping aid – Gurukul Droneshwar

પરમ પૂજ્ય સદ્ગુરુવર્ય શાસ્ત્રી શ્રી માધવપ્રિયદાસજી સ્વામી શ્રી સ્વામિનારાયણ ગુરુકુલ દ્રોણેશ્વર ખાતે પધાર્યા હતા. અહિંયા તા. ૧૭ ઓક્ટોબર, ૨૦૧૬ના રોજ શરદપૂર્ણિમાનો ઉત્સવ ઉજવાયો હતો. ત્યાર બાદ શનિવારના રોજ શ્રી કષ્ટભંજન હનુમાનજી મહારાજનું વિશેષ પૂજન કરવામાં આવ્યું હતું. આ પ્રસંગે પૂજ્ય સ્વામીશ્રીએ જણાવ્યું હતું કે આસો માસના આ બધા દિવસો આનંદ અને ઉત્સવના દિવસો છે, આપણે આ આનંદને વહેંચતા શીખવું જોઇએ.

કવિ સાઇ મકરંદે કહ્યું છે કે, ગમતાને ગુંજે નવ ભરીએ રે લોલ, ગમતાનો કરીએ ગુલાલ

દિવાળીના દિવસોમાં કોઇ ગરીબ ઘરના છોકરાઓ ફટાકડા વગર રહી જાતા હોય તો એમને ફટાકડા આપો. આવા પવિત્ર દિવસોમાં ગરીબ પરિવારોમાં મીઠાઇ વહેંચો, આનંદને વહેંચવાથી આનંદનો ગુણાકાર થતો જાય છે. આનંદને વહેંચવાના ભાગરૂપે સ્વામીશ્રીએ અમેરીકા નિવાસી શ્રી પ્રવિણભાઇ પટેલના પરિવારના સહયોગથી કેટલીક સેવાઓની શરૂઆત કરી હતી. ફાટસરની શાળામાં બાળકો માટે ૧૫૦ લી. નું વોટર કુલર અર્પણ કરવામાં આવ્યું હતું. નિરાધાર એવા વિધવા બહેનોને રોજી-રોટી મળી રહે તે માટે ફાટસરમાં SGVP સીવણ-તાલીમ કેન્દ્ર શરૂ કરવામાં આવ્યું હતું. આ તાલીમ કેન્દ્રમાં જે બહેનો તાલીમ લેશે તેમને સીવણ-મશીન ભેંટ કરવામાં આવશે. દિવ્યાંગ બાળકોના જીવનમાં આનંદની દિવાળી પ્રગટે એ માટે ટ્રાઇસીકલો અર્પણ કરવામાં આવી હતી. ખાસ કરીને પ્રસૂતા બહેનો અને નવજાત શીશુને પૂરત પોષણ મળી રહે તે માટે શુદ્ધ ઘીની સુખડી તમામ જાતના વસાણા સાથે ઘરે-ઘરે પહોંચાડવાની યોજના કરવામાં આવી. જે અંતર્ગત પ્રસૂતા બહેનોને પ્રસૂતિ પહેલાના બે મહીના અને પ્રસૂતિ બાદ એક મહીનો, આ રીતે ત્રણ મહીના સુધી આ ટોનીક-ઔષધ જેવી સુખડી ઘરે ઘરે પહોંચાડવામાં આવશે. આ પ્રસંગે આ બધી સેવામાં સહભાગી થનાર મૂળ નવસારી, હાલ અમેરીકા વસતા પ્રવિણભાઇ પટેલ પરિવારને સ્વામીએ બીરદાવ્યો હતો. આ પ્રસંગે દ્રોણેશ્વર ગુરુકુલના સંચાલક ભંડારી શ્રી હરિકૃષ્ણદાસજી સ્વામી તથા સંત-મંડળ તેમજ ગીર ગઢડા તાલુકાના અગ્રણીઓ તથા અનેક ગામના ભક્તજનો તથા ભાઇ-બહેનો ઉપસ્થિત રહ્યા હતા.

Cleanliness Campaign - Gandhi Jayanti 02-Oct-2016

     With the inspiration of Sadguruvarya Shastri Shree Madhavpriyadasji Swami and under the guidance of Pujya Purani Shree Balkrishnadasji Swami - students, devotees and Saints organized the Cleaning campaign in the surrounding area of Shree Swaminarayan Gurukul, Ahmedabad.

       અમેરિકા સત્સંગ પ્રચારાર્થે વિચરણ કરી રહેલ સદ્ગુરુવર્ય શાસ્ત્રી શ્રી માધવપ્રિયદાસજી સ્વામીની પ્રેરણાથી અને પુરાણી બાલકૃષ્ણદાસજી સ્વામીની આગેવાની નીચે, મહાત્મા ગાંધીજીના જન્મદિન - ગાંધી જયંતીના દિને રવિવારે સવારે મેમનગર વિસ્તાર, ગુરુકુલ રોડ, વિજય ચાર રસ્તા અને ડ્રાઇવ ઇન રોડ તેમજ મેમનગર આજુબાજુ વિસ્તારમાં, શ્રી સ્વામિનારાયણ ગુરુકુલ અમદાવાદ દ્વારા સ્વચ્છતા અભિયાનનો કાર્યક્રમ યોજાયો હતો

આ સ્વચ્છતા અભિયાનમાં શ્રી સ્વામિનારાયણ ગુરુકુલ અમદાવાદના વિદ્યાર્થીઓ, એસજીવીપી હોસ્ટેલના વિદ્યાર્થીઓ, દર્શનમ્ સંસ્કૃત મહાવિદ્યાલયના ઋષિકુમારો તેમજ ગુરુકુલ પરિવાર સત્સંગ મંડળ સભ્યો સહિત ગુરુકુલના સંતો જોડાયા હતા. જોતજોતામાંતો આખો વિસ્તાર આભલા જેવો ચોકખો કરી નાંખ્યો હતો અને ૧૫ ટ્રેકટર ટ્રોલી જેટલા કચરાનો યોગ્ય જગ્યાએ નિકાલ કર્યો હતો.

                આ પ્રસંગે ખાસ અમદાવાદ મ્યુનીસીપલ કમિશ્નર શ્રી દિનેશભાઇ દેસાઇ, તેજસભાઇ પટેલ, ઔડા ચેરમેન શ્રી ભૂપેન્દ્રભાઇ પટેલ, ભૂપેન્દ્રભાઇ શાહ, કાંતિભાઇ પટેલ, મહેતાભાઇ વગેરે મહાનુભાવો ઉપસ્થિત રહી સ્વચ્છતા અભિયાનમાં જોડાયા હતા.

 

Cleanliness Campaign - Amreli District

એસજીવીપી ગુરુકુલના સંતો દ્વારા
અમરેલી જિલ્લાના ગામોમાં સ્વચ્છતા અભિયાન

સદ્ગુરુવર્ય શાસ્ત્રી સરી માધવપ્રિયદાસજી સ્વામી સ્વામીની પ્રેરણાથી તથા પુરાણી બાલકૃષ્ણદાસજીના માર્ગદર્શન સાથે ગુરુકુલના સંતો પાર્ષદો ગુરુકુલ દ્વારા સ્વચ્છતા અભિયાન માટે દત્તક લેવાયેલ ૧૦૮ ગામો પૈકીના અમરેલી જિલ્લાના રંગપુર, બળેલ પીપળિયા, પીપળલગ, લાખાપાદર, દહીંડા, રાણસીકી, તોરી, ખડખડ, ભાયાવદર, આંબરડી, ભાડેર, બોરડી, મુંડિયા રાવણી, ડાંગાવદર વગેરે ગામોમાં જેતે શાળાના બાળકો, શિક્ષકો તથા ગ્રામજનોના સહકારથી સ્વચ્છતા અભિયાન અને વ્યસનમુકિત માટે વિચરણ કરી રહ્યા છે.

 

Salute to Martyrs of Uri

જમ્મુ કાશ્મીરના ઉરીમાં શહિદ થયેલા જવાનોને શ્રદ્ધાંજલિ
શહિદ થયેલ જવાનોના પરિવારોને એક લાખ રૂપિયાની સહાય.

        જમ્મુ કાશ્મીરમાં ઉરી સેક્ટરમાં થયેલા આતંકી હુમલામાં શહિદ થયેલા જવાનોને શ્રદ્ધાંજલિ અર્પવા સદ્ગુરુવર્ય  શાસ્ત્રી શ્રી માધવપ્રિયદાસજી સ્વામીની પ્રેરણાથી અને પુરાણી શ્રી બાલકૃષ્ણદાસજી સ્વામીની ઉપસ્થિતિમાં શ્રી સ્વામિનારાયણ ગુરુકુલ વિશ્વવિદ્યા પ્રતિષ્ઠાનમ્ એસજીવીપી ખાતે શ્રી સ્વામિનારાયણ ગુરુકુલ અમદાવાદ, એસજીવીપી ઇન્ટરનેશનલ સ્કુલ, દર્શનમ્ સંસ્કૃત મહાવિદ્યાલયના ઋષિકુમારો મળી ૧૫૦૦ વિદ્યાર્થીઓએ શહિદ થયેલ જવાનોને મીણપત્તી પ્રગટાવી, જનમંગળના સ્તોત્ર અને ભગવાન શ્રી સ્વામિનારાયણની ધૂન સાથે શ્રદ્ધાંજલિ અર્પણ કરવામાં આવેલ. આ પ્રસંગે ગુરુકુલના તમામ સંતો અને શિક્ષક ગણ ઉપસ્થિત રહેલ. 

        અમેરિકા સત્સંગ વિચરણ કરી રહેલ પૂજ્ય માધવપ્રિયદાસજી સ્વામીએ ગુરુકુલ પરિવારવતી શહિદ યુવાનોને શ્રદ્ધાંજલિ અર્પણ કરી હતી અને ગુરુકુલ પરિવાર તરફથી શહિદોના પરિવારોને એક લાખ રુપિયાની સહાયની જાહેરાત કરી હતી. 

        શહિદ થયેલ તમામ યુવાનોના કુંટુબને આર્થિક સહાય માટે વિદ્યાર્થીઓએ પણ પોતાના પોકેટ મનીમાંથી સહાય કરી હતી.

 

 

 

News Type: 

Educational Aid Distribution - SGVP

તમો યુવાનો નિર્વ્યસની અને કુસંગમય વાતાવરણથી દૂર રહો, એ અમો ખરું વળતર માગીએ છીએઃ શા.માધવપ્રિયદાસજી સ્વામી

 

 

પવિત્ર શ્રાવણ માસમાં, શ્રી સ્વામિનારાયણ ગુરુકુલ મેમનગર ખાતે, સ્વામી શા.માધવપ્રિયદાસજીના વ્યાસ પદે તેમજ પુરાણી શ્રી બાલકૃષ્ણદાસજી સ્વામીની આગેવાની નીચે ચાલી રહેલ જ્ઞાનસત્રમાં સત્સંગીજીવનની કથા, સાથે અનેકવિધ  સમાજલક્ષી કાર્યક્રમ યોજાયા હતા.

   જેમાં વચનામૃતના આધારે વિવધ સ્પર્ધાઓ રાખવામાં આવેલ. તેમજ પવિત્ર શ્રાવણમાસ હોવાથી શ્રીદ્યનશ્યામ મહારાજનું ષોડપચાર પૂજન અને રાજોપચાર પૂજન અને દ્યનશ્યામ મહારાજને ૧૦૮ વાનગીઓનો અન્નકૂટ પણ ધરાવાવમાં આવેલ. જેનો તમામ પ્રસાદ ગરીબોને વહેંચવામાં આવેલ.

   વળી શા.માધવપ્રિયદાસજી સ્વામીની પ્રેરણાથી આજના મોંદ્યવારીના સમયમાં આર્થિક રીતે જરુરિયાતમંદ વિદ્યાર્થીઓને ઉચ્ચ અભ્યાસમાં અત્યંત મુ્શ્કેલી પડી રહી છે, ત્યારે ખાસ કરીને મેડિકલ, આઇ.ટી., એન્જીનીયરીંગનો અભ્યાસ કરવા ઇચ્છતા હોય તેવા દિકરા દિકરીઓને દર વરસે તેમનો ઉચ્ચ અભ્યાસ પુરો થાય ત્યાં સુધી વગર વ્યાજની લોન આપવા નિર્ણય કરેલ.

   એ અનુસંધાને ગુરુકુલમાં ચાલતા જ્ઞાનસત્ર દરમ્યાન પુ.માધવપ્રિયદાસજી સ્વામી તથા પુરાણી બાલકૃષ્ણદાસજી સ્વામીના હસ્તે ૫૦ વિદ્યાર્થીઓને વગર વ્યાજના લોનના ચેક અર્પણ કરવામાં આવેલ.

   ચેક અર્પણ કરતા પૂ.માધવપ્રિયદાસજી સ્વામીએ જણાવેલકે આ તો ભગવાનનો પ્રસાદ છે. તે તમારે પ્રેમથી સ્વીકારવાનો છે. તમો જયારે ધંધામાં સ્થિર થાવ ત્યારે આ સહાયતા ધીરે ધીરે પરત કરવાની  રહે છે. જેથી તમારા પછીના આર્થિક રીતે નબળા વર્ગના ભાઇઓને અને બહેનોને સહાયતાનો લાભ મળી રહે.

   આ રીતે આપણે એવા ચક્રનું પ્રવર્તન કરી રહ્યા છીએ જેથી આપણે ઉચ્ચ અભ્યાસની ઉજ્જવળ તકો પુરી પાડીએ.

   તમો યુુવાનો નિર્વસની રહો, કુસંગમય વાતાવરણથી દૂર રહો એ અમો ખરુ વળતર માગીએ છીએ.

   આ સહાયમાં અક્ષર નિવાસી પરમ પૂજય અખંડ ભગવત પરાયણ જોગી સ્વામીની પવિત્ર સ્મૃતિમાં અપાઇ રહેલ છે. વળી આંબાશેઠના પરિવારના ધીરજભાઇ મેતલિયાના તથા સમરતબાના સુપુત્ર બળવંતભાઇ મેતલિયા અને તેના મિત્રવર્તુળમાંથી સહયોગ પ્રાપ્ત થયો છે. આ દાનેશ્વરી મેતલિયા પરિવારને ખૂબ ખૂબ અભિનંદન.

 

 

Newspaper Link follow :

http://www.akilanews.com/08082016/gujarat-news/1470638617-48119

 

Educational Aid Distribution to Girls Students - SGVP

મેમનગર ગુરુકુલમાં સાંખ્યયોગી બહેનોના હસ્તે ગૌરીપૂજન પ્રસંગે કન્યાઓને શિક્ષણસહાય  ચેક અર્પણ કરાયા.

મેમનગર સ્વામિનારાયણ ગુરુકુલ ખાતે, પવિત્ર શ્રાવણ માસના પ્રારંભે શા. માધવપ્રિયદાજી સ્વામીના વ્યાસાસને તેમજ પુરાણી બાલકૃષ્ણદાસજી સ્વામીના માર્ગદર્શન નીચે શરુ થયેલ ચાલીસમાં જ્ઞાનસત્રની ભવ્ય રીતે પૂર્ણાહૂતિ થયેલ છે.

કથા પ્રારંભ પહેલા, ગુરુકુલના મધ્ય ખંડમાં સવારથી સાંજે ૫-૩૦ સુધી ગુજરાતમાં શાંતિ જળવાઇ રહે, ખૂબ સારો વરસાદ થાય તે માટે ગુરુકુલના તમામ સંતો-વિદ્યાર્થીઓએ ૧૦ કલાકની અખંડ ધૂન કરી હતી.

કથાની પૂર્ણાહૂતિની પૂર્વ સંધ્યાએ પૂ. શા.માધવપ્રિયદાસજી સ્વામી તથા પુરાણી બાલકૃષ્ણદાસજી સ્વામીના હસ્તે ૫૦ જેટલા યુવાનો જે મેડિકલ અથવા એન્જીનીયરીંગમાં અભ્યાસ કરતા હોય અને આર્થિક રીતે નબળાં હોય તેને જયાં સુધી તેનો અભ્યાસ પુરો થાય ત્યાં સુધી વગર વ્યાજની લોન પેટે ચેક અર્પણ કરવામાં આવેલ.

આ પ્રસંગે ગૌરી પૂજનનો ભવ્ય કાર્યક્રમ રાખવામાં આવેલ, જેમાં જે દિકરીઓ ઉચ્ચ અભ્યાસ કરવા ઇચ્છતી હોય પણ આર્થિક રીતે નબળાં હોય તેવી દિકરીઓ, તેમજ જેણે આપણાં દેશ ખાતર પોતાના પ્રાણની આહુતિ આપી હોય તેવા શહીદોની ૧૪૭ કન્યાઓને શિક્ષણ સહાય તરીકે નાગપુર તેમજ દુધાળાની સાંખ્યયોગી બહેનોએ, દુપટ્ટો બંધાવી, હાર પહેરાવીને શિક્ષણ સહાયનો ચેક અર્પણ કરી, બહેનો શિક્ષણ ક્ષેત્રે આગળ આવે, પરિવાર તથા દેશનું ગૌરવ વધારે તેવા આશીર્વાદ આપ્યા હતા.

પૂ.માધવપ્રિયદાસજી સ્વામીને સભામાં સંબોધન કર્યુ હતું. કે યુવાનો નિર્વ્યસની રહે, કુસંગનો ત્યાગ કરે અને પોતાના દેશને વફાદાર રહે. જીવનમાં ગમે તેવા સંકટો આવે તો પણ ધીરજ ગુમાવે નહીં. આપણાં વાણી અને વર્તનથી કોઇનું દિલ દુભાય નહીં તેની કાળજી રાખજો. પત્થરના ભવનો ભાંગે તે ફરીથી ચણી શકાય છે પણ દિલ મંદિર તૂટે પછી સમારવા કઠિન છે.

 

Newspaper Link follow :

http://www.akilanews.com/10082016/gujarat-news/1470811294-48201

Enrollments in New School - Gurukul Droneshwar

School Inauguration - Gurukul Droneshwar - 09-Jun-2016

 

 

સદ્‌ગુરુવર્ય શાસ્ત્રી શ્રી માધવપ્રિયદાસજી સ્વામીની પ્રેરણા અને પુરાણી શ્રી બાલકૃષ્ણદાસજી સ્વામીની આગેવાની નીચે, શ્રી સ્વામિનારાયણ ગુરુકુલ કુમાર તથા કન્યા વિદ્યાલય – દ્રોણેશ્વરનો પ્રથમ પ્રવેશોત્સવ તા. ૦૯-૦૬-૨૦૧૬, ગુરુવાર ના રોજ પ્રવેશોત્સવ, વિદ્યાર્થીઓના વાલીઓ અને અનેક મહાનુભાવોની ઉપસ્થિતિમાં ઉજવાયો હતો. આ પ્રસંગે પ્રથમ ઉદ્ઘાટક તરીકે પુરાણી બાલકૃષ્ણદાસજી સ્વામી તથા વિશેષ અતિથિ તરીકે ગુજરાત રાજ્યના ઉર્જા મંત્રી ગોવિંદભાઇ પટેલના વરદ્ હસ્તે દીપ પ્રાગટ્ય કરવામાં આવ્યું હતું.

આ પ્રસંગે  શામજી ભગતે જણાવ્યું હતું કે અત્યારે સાંપ્રત્ સમયમાં સંસ્કારયુક્ત શિક્ષણની ખાસ જરૂર છે. બાળક તો એક માટીનો પીંડ છે તે ને સંસ્કારયુક્ત કરવો એ શિક્ષક અને સંતની જવાબદારી છે. ગુજરાત રાજ્યના ઉર્જા મંત્રી ગોવિંદભાઇ પટેલે જણાવ્યું હતું કે શાસ્ત્રી શ્રી ધર્મજીવનદાસજી સ્વામીએ હિમાલયમાં ગુરુકુલ અંગેનો કરેલો નાનો એવો સંકલ્પ એક વટવૃક્ષ બની રહ્યું છે. ગુરુકુલ બાળકોને સંસ્કારયુક્ત શિક્ષણ આપે છે તેથી અમને ખુબ જ આનંદ થાય છે. આજે દ્રોણેશ્વર ગુરુકુલના આંગણે કુમાર અને કન્યા વિદ્યાલય કરેલ છે તે આવકારદાયક છે. પુરાણી શ્રી બાલકૃષ્ણદાસજી સ્વામીએ જણાવ્યું હતું કે ખરેખર આજનો દિવસ ગુરુકુલ માટે ઐતિહાસિક અને અવિસ્મરણીય છે. 

આજની તારીખ ૦૯ જે પૂર્ણાંક કહેવાય છે તેમા પણ ગુરુવાર જે શાસ્ત્ર પ્રમાણે શ્રેષ્ઠ ગણાય છે. આ સંસ્કારધાત્રી ગુરુકુલ સંસ્થામાં અત્યાર સુધીમાં ૫૦,૦૦૦ વિદ્યાર્થીઓએ સંસ્કારસભર કેળવણી મેળવી દેશ-વિદેશમાં રહીને પણ સંસ્કાર જાળવી રાખ્યા છે. 

આ પ્રસંગે ભંડારી શ્રી હરિકૃષ્ણદાસજી સ્વામી, શ્રી સૂર્યકાન્તભાઇ પટેલ, નૂતન પ્રવેશ પામેલ વિદ્યાર્થી અભય કુમાર કોરાટે પ્રાસંગિક પ્રવચન કર્યા હતા. 

આ પ્રસંગે શ્રી અશ્વીનભાઇ આણદાણી, શ્રી પુરુષોત્તમભાઇ ઠુમ્મર, શ્રી હરિભાઇ દુધાત, શ્રી બાલુભાઇ કુંભાણી, શ્રી પ્રેમજીભાઇ સેંજલીયા, શ્રી ધીમંતભાઇ શાહ, શ્રી પુંજાભાઇ પરમાર વગેરે મહાનુભાવો ઉપસ્થિત  રહ્યા હતા.  

પ્રાસંગિક પ્રવચન બાદ પ્રથમ પ્રવેશ પામેલ વિદ્યાર્થીઓ દ્વારા લઇ આવેલ શુકનમાં શ્રીફળ અને સાકર ઠાકોરજીને ધરી સંતો અને શિક્ષકોને અર્પણ કરેલ ત્યાર બાદ પુરાણી શ્રી બાલકૃષ્ણદાસજી સ્વામીએ દરેક બાળકને કપાળે કુંમકુંમનો ચાંદલો અને કેસરની અર્ચા કરી શાળા પ્રવેશ કરાવ્યો હતો.

 

Pages