Community Service

Distribution of helping aid – Gurukul Droneshwar

પરમ પૂજ્ય સદ્ગુરુવર્ય શાસ્ત્રી શ્રી માધવપ્રિયદાસજી સ્વામી શ્રી સ્વામિનારાયણ ગુરુકુલ દ્રોણેશ્વર ખાતે પધાર્યા હતા. અહિંયા તા. ૧૭ ઓક્ટોબર, ૨૦૧૬ના રોજ શરદપૂર્ણિમાનો ઉત્સવ ઉજવાયો હતો. ત્યાર બાદ શનિવારના રોજ શ્રી કષ્ટભંજન હનુમાનજી મહારાજનું વિશેષ પૂજન કરવામાં આવ્યું હતું. આ પ્રસંગે પૂજ્ય સ્વામીશ્રીએ જણાવ્યું હતું કે આસો માસના આ બધા દિવસો આનંદ અને ઉત્સવના દિવસો છે, આપણે આ આનંદને વહેંચતા શીખવું જોઇએ.

કવિ સાઇ મકરંદે કહ્યું છે કે, ગમતાને ગુંજે નવ ભરીએ રે લોલ, ગમતાનો કરીએ ગુલાલ

દિવાળીના દિવસોમાં કોઇ ગરીબ ઘરના છોકરાઓ ફટાકડા વગર રહી જાતા હોય તો એમને ફટાકડા આપો. આવા પવિત્ર દિવસોમાં ગરીબ પરિવારોમાં મીઠાઇ વહેંચો, આનંદને વહેંચવાથી આનંદનો ગુણાકાર થતો જાય છે. આનંદને વહેંચવાના ભાગરૂપે સ્વામીશ્રીએ અમેરીકા નિવાસી શ્રી પ્રવિણભાઇ પટેલના પરિવારના સહયોગથી કેટલીક સેવાઓની શરૂઆત કરી હતી. ફાટસરની શાળામાં બાળકો માટે ૧૫૦ લી. નું વોટર કુલર અર્પણ કરવામાં આવ્યું હતું. નિરાધાર એવા વિધવા બહેનોને રોજી-રોટી મળી રહે તે માટે ફાટસરમાં SGVP સીવણ-તાલીમ કેન્દ્ર શરૂ કરવામાં આવ્યું હતું. આ તાલીમ કેન્દ્રમાં જે બહેનો તાલીમ લેશે તેમને સીવણ-મશીન ભેંટ કરવામાં આવશે. દિવ્યાંગ બાળકોના જીવનમાં આનંદની દિવાળી પ્રગટે એ માટે ટ્રાઇસીકલો અર્પણ કરવામાં આવી હતી. ખાસ કરીને પ્રસૂતા બહેનો અને નવજાત શીશુને પૂરત પોષણ મળી રહે તે માટે શુદ્ધ ઘીની સુખડી તમામ જાતના વસાણા સાથે ઘરે-ઘરે પહોંચાડવાની યોજના કરવામાં આવી. જે અંતર્ગત પ્રસૂતા બહેનોને પ્રસૂતિ પહેલાના બે મહીના અને પ્રસૂતિ બાદ એક મહીનો, આ રીતે ત્રણ મહીના સુધી આ ટોનીક-ઔષધ જેવી સુખડી ઘરે ઘરે પહોંચાડવામાં આવશે. આ પ્રસંગે આ બધી સેવામાં સહભાગી થનાર મૂળ નવસારી, હાલ અમેરીકા વસતા પ્રવિણભાઇ પટેલ પરિવારને સ્વામીએ બીરદાવ્યો હતો. આ પ્રસંગે દ્રોણેશ્વર ગુરુકુલના સંચાલક ભંડારી શ્રી હરિકૃષ્ણદાસજી સ્વામી તથા સંત-મંડળ તેમજ ગીર ગઢડા તાલુકાના અગ્રણીઓ તથા અનેક ગામના ભક્તજનો તથા ભાઇ-બહેનો ઉપસ્થિત રહ્યા હતા.

Educational Aid Distribution - SGVP

તમો યુવાનો નિર્વ્યસની અને કુસંગમય વાતાવરણથી દૂર રહો, એ અમો ખરું વળતર માગીએ છીએઃ શા.માધવપ્રિયદાસજી સ્વામી

 

 

પવિત્ર શ્રાવણ માસમાં, શ્રી સ્વામિનારાયણ ગુરુકુલ મેમનગર ખાતે, સ્વામી શા.માધવપ્રિયદાસજીના વ્યાસ પદે તેમજ પુરાણી શ્રી બાલકૃષ્ણદાસજી સ્વામીની આગેવાની નીચે ચાલી રહેલ જ્ઞાનસત્રમાં સત્સંગીજીવનની કથા, સાથે અનેકવિધ  સમાજલક્ષી કાર્યક્રમ યોજાયા હતા.

   જેમાં વચનામૃતના આધારે વિવધ સ્પર્ધાઓ રાખવામાં આવેલ. તેમજ પવિત્ર શ્રાવણમાસ હોવાથી શ્રીદ્યનશ્યામ મહારાજનું ષોડપચાર પૂજન અને રાજોપચાર પૂજન અને દ્યનશ્યામ મહારાજને ૧૦૮ વાનગીઓનો અન્નકૂટ પણ ધરાવાવમાં આવેલ. જેનો તમામ પ્રસાદ ગરીબોને વહેંચવામાં આવેલ.

   વળી શા.માધવપ્રિયદાસજી સ્વામીની પ્રેરણાથી આજના મોંદ્યવારીના સમયમાં આર્થિક રીતે જરુરિયાતમંદ વિદ્યાર્થીઓને ઉચ્ચ અભ્યાસમાં અત્યંત મુ્શ્કેલી પડી રહી છે, ત્યારે ખાસ કરીને મેડિકલ, આઇ.ટી., એન્જીનીયરીંગનો અભ્યાસ કરવા ઇચ્છતા હોય તેવા દિકરા દિકરીઓને દર વરસે તેમનો ઉચ્ચ અભ્યાસ પુરો થાય ત્યાં સુધી વગર વ્યાજની લોન આપવા નિર્ણય કરેલ.

   એ અનુસંધાને ગુરુકુલમાં ચાલતા જ્ઞાનસત્ર દરમ્યાન પુ.માધવપ્રિયદાસજી સ્વામી તથા પુરાણી બાલકૃષ્ણદાસજી સ્વામીના હસ્તે ૫૦ વિદ્યાર્થીઓને વગર વ્યાજના લોનના ચેક અર્પણ કરવામાં આવેલ.

   ચેક અર્પણ કરતા પૂ.માધવપ્રિયદાસજી સ્વામીએ જણાવેલકે આ તો ભગવાનનો પ્રસાદ છે. તે તમારે પ્રેમથી સ્વીકારવાનો છે. તમો જયારે ધંધામાં સ્થિર થાવ ત્યારે આ સહાયતા ધીરે ધીરે પરત કરવાની  રહે છે. જેથી તમારા પછીના આર્થિક રીતે નબળા વર્ગના ભાઇઓને અને બહેનોને સહાયતાનો લાભ મળી રહે.

   આ રીતે આપણે એવા ચક્રનું પ્રવર્તન કરી રહ્યા છીએ જેથી આપણે ઉચ્ચ અભ્યાસની ઉજ્જવળ તકો પુરી પાડીએ.

   તમો યુુવાનો નિર્વસની રહો, કુસંગમય વાતાવરણથી દૂર રહો એ અમો ખરુ વળતર માગીએ છીએ.

   આ સહાયમાં અક્ષર નિવાસી પરમ પૂજય અખંડ ભગવત પરાયણ જોગી સ્વામીની પવિત્ર સ્મૃતિમાં અપાઇ રહેલ છે. વળી આંબાશેઠના પરિવારના ધીરજભાઇ મેતલિયાના તથા સમરતબાના સુપુત્ર બળવંતભાઇ મેતલિયા અને તેના મિત્રવર્તુળમાંથી સહયોગ પ્રાપ્ત થયો છે. આ દાનેશ્વરી મેતલિયા પરિવારને ખૂબ ખૂબ અભિનંદન.

 

 

Newspaper Link follow :

http://www.akilanews.com/08082016/gujarat-news/1470638617-48119

 

Educational Aid Distribution to Girls Students - SGVP

મેમનગર ગુરુકુલમાં સાંખ્યયોગી બહેનોના હસ્તે ગૌરીપૂજન પ્રસંગે કન્યાઓને શિક્ષણસહાય  ચેક અર્પણ કરાયા.

મેમનગર સ્વામિનારાયણ ગુરુકુલ ખાતે, પવિત્ર શ્રાવણ માસના પ્રારંભે શા. માધવપ્રિયદાજી સ્વામીના વ્યાસાસને તેમજ પુરાણી બાલકૃષ્ણદાસજી સ્વામીના માર્ગદર્શન નીચે શરુ થયેલ ચાલીસમાં જ્ઞાનસત્રની ભવ્ય રીતે પૂર્ણાહૂતિ થયેલ છે.

કથા પ્રારંભ પહેલા, ગુરુકુલના મધ્ય ખંડમાં સવારથી સાંજે ૫-૩૦ સુધી ગુજરાતમાં શાંતિ જળવાઇ રહે, ખૂબ સારો વરસાદ થાય તે માટે ગુરુકુલના તમામ સંતો-વિદ્યાર્થીઓએ ૧૦ કલાકની અખંડ ધૂન કરી હતી.

કથાની પૂર્ણાહૂતિની પૂર્વ સંધ્યાએ પૂ. શા.માધવપ્રિયદાસજી સ્વામી તથા પુરાણી બાલકૃષ્ણદાસજી સ્વામીના હસ્તે ૫૦ જેટલા યુવાનો જે મેડિકલ અથવા એન્જીનીયરીંગમાં અભ્યાસ કરતા હોય અને આર્થિક રીતે નબળાં હોય તેને જયાં સુધી તેનો અભ્યાસ પુરો થાય ત્યાં સુધી વગર વ્યાજની લોન પેટે ચેક અર્પણ કરવામાં આવેલ.

આ પ્રસંગે ગૌરી પૂજનનો ભવ્ય કાર્યક્રમ રાખવામાં આવેલ, જેમાં જે દિકરીઓ ઉચ્ચ અભ્યાસ કરવા ઇચ્છતી હોય પણ આર્થિક રીતે નબળાં હોય તેવી દિકરીઓ, તેમજ જેણે આપણાં દેશ ખાતર પોતાના પ્રાણની આહુતિ આપી હોય તેવા શહીદોની ૧૪૭ કન્યાઓને શિક્ષણ સહાય તરીકે નાગપુર તેમજ દુધાળાની સાંખ્યયોગી બહેનોએ, દુપટ્ટો બંધાવી, હાર પહેરાવીને શિક્ષણ સહાયનો ચેક અર્પણ કરી, બહેનો શિક્ષણ ક્ષેત્રે આગળ આવે, પરિવાર તથા દેશનું ગૌરવ વધારે તેવા આશીર્વાદ આપ્યા હતા.

પૂ.માધવપ્રિયદાસજી સ્વામીને સભામાં સંબોધન કર્યુ હતું. કે યુવાનો નિર્વ્યસની રહે, કુસંગનો ત્યાગ કરે અને પોતાના દેશને વફાદાર રહે. જીવનમાં ગમે તેવા સંકટો આવે તો પણ ધીરજ ગુમાવે નહીં. આપણાં વાણી અને વર્તનથી કોઇનું દિલ દુભાય નહીં તેની કાળજી રાખજો. પત્થરના ભવનો ભાંગે તે ફરીથી ચણી શકાય છે પણ દિલ મંદિર તૂટે પછી સમારવા કઠિન છે.

 

Newspaper Link follow :

http://www.akilanews.com/10082016/gujarat-news/1470811294-48201

Mango Fruit Distribution SGVP - 2016

With the Inspiration of Sadguruvarya Shastri Shree Madhavpriyadasji Swami and guidance of Pujya Balkrishnadasji Swami, Aamrakut Utsav was celebrated at SGVP, Ahmedabad on 05 June 2016, with the intention in mind to provide the Prasad to poor and needy people.

 

Over 6000 Kgs. Of Mangoes were offered to Shree Ram Shyam & Ghanshyam Maharaj. Devotees from Kutch-Bhuj, Una-Fatsar region and Ahmedabad enthusiastically contributed for mangoes and over 60 quintal of Mangoes were offered and distributed among hospitals, orphanage, old homes, and road side poor & needy people.

 

Saints and volunteers of Gurukul Parivar personally visited the places and distributed the Prasad.

 

Worship for WASH - Ahmedabad

તાજેતરમાં યુનાઇટેડ નેશન સાથે સંકળાયેલ યુનિસેફ તેમજ ગ્લોબર વોશ એલાયન્સના અધ્યક્ષ શ્રી ચિદાનંદજી સરસ્વતીજી મહારાજ (મુનિજી)ના સાનિધ્યમાં વર્શીપ ફોર વોશ- શુદ્ધ જલ,શૌચાલય,અને સ્વચ્છતા અભિયાન અંગેનો ભવ્ય કાર્યક્રમ ઋષિકેશ ગંગાના પવિત્ર કિનારે યોજાયો હતો.

દરેક ધર્મગુરુઓએ એક સાથે બેસીને ભારત સહિત વિશ્વના દેશોને વિશુદ્ધ પર્યાવરણ,નિર્મળ જલ,અને સ્વચ્છતા પ્રત્યે જાગૃત કરવાનો સંકલ્પ કર્યો હતો.જેમાં શ્રી માધવપ્રિયદાસજી સ્વામીએ ગુજરાતના ૧૦૮ ગામડાંઓ સ્વચ્છતા અભિયાન માટે દત્તક લેવાની જાહેરાત કરી હતી.

આ અનુસંધાને સાબરમતી રિવરફ્રન્ટ પર તા.૫-૧-૨૦૧૫ ના રોજ શ્રી ચિદાનંદજી સરસ્વતીજી (મુનિજી મહારાજ)તથા સદગુરુવર્ય શાસ્ત્રી શ્રી માધવપ્રિયદાસજી સ્વામીના સંયુકત ઉપક્રમે શ્રી જગન્નાથજી મંદિરના મહંત પૂજ્ય દિલીપદાસજી મહારાજના અધ્યક્ષ સ્થાને, સ્વામી અધ્યાત્માનંદજી મહારાજ, ગોસ્વામી શ્રી લક્ષ્મણબાવાશ્રી, બિશપ શ્રી થોમસ મેકવાન, ચીફ ઇમામ શ્રી ઉમર ઈલ્યાસીજી, જ્ઞાની રતનસિંહજી, જૈનાચાર્ય શ્રી લોકેશ મુનીજી, શ્રી અહમદ વોરા સાહેબ, મંત્રી શ્રી ભૂપેન્દ્રસિંહ ચુડાસમા, ઔડા ચેરમેન શ્રી ભૂપેન્દ્રભાઇ પટેલ તથા મેયરશ્રી શ્રીમતી મિનાક્ષીબેન પટેલ તથા મોટી સંખ્યામાં મંત્રીઓ તથા આમંત્રિતોની ઉપસ્થિતિમાં યોજાયો હતો.

આ પ્રસંગે ધર્મગુરુઓ દ્વારા દિપ પ્રાગટ્ય બાદ પુરાણી શ્રી બાલકૃષ્ણદાસજી સ્વામીએ સૌ કોઇનું સ્વાગત કર્યું હતું. પૂજ્ય સ્વામીજીએ જણાવેલ કે દરેક ધર્મમાં આંતરિક અને બહારની સ્વચ્છતા અને પવિત્રતા ઉપર ભાર મુકાયો છે. અને એમનું એક સુત્ર છે – ‘વર્શીપ ફોર વોશ’. આજે આ તમામ વિવિધ પંથોના ધર્મગુરુઓ આ માટે માર્ગદર્શન આપવા એક મંચ ઉપર વિરાજમાન થયા છે. આ ન માત્ર અમદાવાદ પરંતુ સમગ્ર ગુજરાતનું ગૌરવ છે. આ સેવા કાર્યના પ્રેરણા સ્રોત પરમાર્થ નિકેતનના અધ્યક્ષ શ્રી ચિદાનંદ સરસ્વતીજી – પૂજ્ય મુનીજી મહારાજ છે. ગુજરાતના પનોતા પુત્ર માનનીય વડાપ્રધાન  શ્રી નરેન્દ્રભાઈ મોદીએ સ્વચ્છ ભારતનું અભિયાન શરું કર્યું છે એ બદલ એમને પણ અભિનંદન !

આજે આપણા એસજીવીપી ના સંતો અને કાર્યકર્તાઓ ગામડે ગામડે ફરીને ‘વર્શીપ ફોર વોશ’ અભિયાનમાં લોકોને પ્રેરણા આપીને જોડી રહ્યા છે. ગામડાઓના સરપંચશ્રીઓ, આગેવાનો, શાળાઓના શિક્ષકો – આચાર્યો અને વિદ્યાર્થીઓ સંતોના વચને આ સેવા કાર્યમાં ઉત્સાહથી જોડાઈ રહ્યા છે. આપનો દેશ ગંદો છે એ મેણું આપણે ભાંગવું જ રહ્યું. મકરસંક્રાંતિના મંગલ પર્વે SGVP તરફથી ગુજરાતને આ ‘વર્શીપ ફોર વોશ’નો ઉપહાર આપવામાં આવી રહ્યો છે.

આ પ્રસંગે મંગલ ઉદ્બોધન કરતા પૂજ્ય મુનીજી મહારાજે જણાવ્યું હતું કે ગુજરાતની યાત્રા મહાત્મા ગાંધીથી લઇને વડાપ્રધાન મોદી સુધીની યાત્રા છે. સંત, સરકાર, મીડિયા અને યુવા શક્તિથી સ્વચ્છ ભારતનું સ્વપ્ન સાકાર થશે. ગુરુકુલ પરિવાર દ્વારા જગાવાયેલી સ્વચ્છતાની ઝુંબેશ આની શરૂઆત  છે. આ ભારત દેશ આપણો મનાવો જોઈએ. ફક્ત આપણું ઘર જ નહિ પણ એક એક ગલી ને પણ આપણી માનીને સ્વચ્છ અને સુંદર રાખવી જોઈએ.

દિલ્હીથી પધારેલા જૈન આચાર્ય શ્રી લોકેશમુનીજીએ પણ જણાવ્યું હતું કે સ્વસ્થ સમાજ જ સમૃદ્ધ સમાજ બની શકે છે. કેમકે શરીર સ્વસ્થ હોઈ તો જ સમૃદ્ધિ માટે પુરુષાર્થ થઇ શકે છે.

ઓલ ઇન્ડિયા ઈમામ ઓર્ગેનાઈઝેશનના પ્રમુખ શ્રીમાન ઉમર અહમદ ઈલ્યાસીજીએ જણાવ્યું હતું કે દરેક ધર્મમાં સ્વચ્છતાનું પાલન કરવાનું ફરમાન છે. અહી ઉપસ્થિત સર્વે ધર્માચાર્યોની પ્રેરણાથી દરેક ધર્મના લોકોને સ્વચ્છ ભારત અને સ્વસ્થ ભારતનો પૈગામ મળશે. સ્વચ્છતાની આ ઝુંબેશમાં અમે સહુ સાથે છીએ.

ખ્રિસ્તી ધર્મકે બીશપ શ્રીમાન ડૉ. થોમસ મેકવાને જણાવ્યું હતું કે દરેક ધર્મના ગુરુઓ પોતાના અનુયાયીઓને સ્વચ્છતા માટે પ્રેરણા આપે તેનાથી જ સ્વચ્છ સમાજ અને સ્વચ્છ દેશ બનશે. સ્વચ્છતાની આ ઝુંબેશ પોતાનાથી શરુ થવી જોઈએ.

અધ્યક્ષ સ્થાનેથી શ્રી જગન્નાથજી મંદિરના મહંત શ્રી દિલીપદાસજી મહારાજે આ પ્રસંગે આશીર્વાદ પાઠવી અંતરનો આનંદ વ્યક્ત કર્યો હતો.

શ્રી ભુપેન્દ્રભાઈ ચુડાસમાએ પ્રાસંગિક ઉદ્બોધન કરતા જણાવ્યું હતું કે આટલા સંતોના દર્શન કરી આનંદ થયો છે. હું સંતોના સુર માં સુર પુરાવું છું. અને સમગ્ર સરકાર વતી આશીર્વાદ માંગું છું. ગુજરાતના મુખ્ય મંત્રી શ્રી આનંદીબેન પટેલ પણ સફાઈ અભિયાન માટે જાગૃત છે, સાથે સાથે નાના બાળકોના કુપોષણના નિવારણ માટે પણ ભગીરથ પ્રયાસ કરી રહ્યા છે. તે માટે હું સંતોના આશીર્વાદ માંગું છું. યુનિસેફ ટીમ પણ આ પ્રસંગે ઉપસ્થિત રહી હતી.

અંતમાં સાબરમતી મૈયાના પૂજન બાદ ગંગા જલના ૧૦૮ કળશથી સાબરમતી લોક્માતાનો અભિષેક કરવામાં આવ્યો હતો. ત્યારે સાબરમતી-ગંગા અને નર્મદાનો ત્રિવેણી સંગમ રચાયો હતો. અંતમાં ઉપસ્થિત ધર્માચાર્યો, મહાનુભાવોએ ૧૦૮ આરતી થી સાબરમતી મૈયાની ભવ્ય આરતી ઉતારી હતી.

Picture Gallery

Pages