Center

26th Republic Day

68th Republic Day Celebration

SGVP Gurukul Parivar celebrated the 68th Republic Day, In the holy presence of Purani Shree Balkrishnadasaji Swami, Saints, Students and staff Members.
Along with, flag hoisting, March Past, patriotic presentation by students, martyrs’ families were honoured and provided help by Gurukul Parivar.
નેવી બેન્ડ અને શાનદાર પરેડ સાથે પૂજ્ય પુરાણી શ્રી બાલકૃષ્ણદાસજી સ્વામીના સાનિધ્યમાં શ્રી સ્વામિનારાયણ ગુરુકુલ વિશ્વવિદ્યા પ્રતીષ્ઠાનમ (SGVP)ના વિશાળ હરિયાળા મેદાન ઉપર, SGVP અંગ્રેજી માધ્યમ સ્કુલ, દર્શનમ સંસ્કૃત મહાવિદ્યાલય અને શ્રી સ્વામિનારાયણ ગુરુકુલ મેમનગર, અમદાવાદના વિદ્યાર્થીઓ અને તમામ કર્મચારીઓએ અડસથમાં પ્રજાસત્તાક દિનની ભવ્ય ઉજવણી કરી હતી.
ધ્વજવંદન અને પરેડ બાદ નાના નાના વિદ્યાર્થીઓએ દેશભક્તિના સંસ્કૃતિક કાર્યકમો રજુ કર્યા હતા. લેહ – લડાખથી આવેલા ૩૦ જેટલી વિદ્યાર્થીનીઓ અને શિક્ષકોની સવિશેષ ઉપસ્થિતિ રહી હતી.
આ પ્રસંગે, દેશની સુરક્ષા માટે સરહદ પર શહીદ થયેલા સૈનિકોના પરિવારોનું સન્માન કરી, દર વર્ષની જેમ  ગુરુકુલ પરિવાર દ્વારા તેમને વિશેષ સહાય કરવામાં આવી હતી.
શ્રી જયદેવભાઈ સોનાગરાએ પ્રાસંગિક પ્રવચન કર્યું હતું. પુરાણી શ્રી બાલકૃષ્ણદાસજી સ્વામીએ ભવ્ય ઉજવણીના સહભાગી, તમામ વિદ્યાર્થીઓ અને સ્ટાફને બિરદાવતા કહ્યું હતું કે રાષ્ટ્રીય પર્વની ઉજવણી ફક્ત એક દિવસ માટે નહિ પણ સમગ્ર વર્ષ દરમ્યાન થવી જોઈએ. દેશની સ્વાધીનતા અને ભવ્ય પરંપરાની જાળવણી એ દેશના તમામ નાગરિકોની ગૌરવપૂર્ણ ફરજ છે.
સત્સંગ અને ભારતીય સંસ્કૃતિના પ્રચાર-પ્રસાર માટે વિદેશમાં વિચરણ કરતા, સદ્ગુરુવર્ય શાસ્ત્રી શ્રી માધવપ્રિયદાસજી સ્વામીએ ઓસ્ટ્રેલીયાથી ટેલીફોનના માધ્યમથી જણાવ્યું હતું કે આ રાષ્ટ્રીય પર્વ સ્વતંત્રતા સેનાનીઓના બલિદાનને યાદ કરવા સાથે ઘર કુટુંબથી દુર, સરહદ પર દેશની રક્ષામાં તૈનાદ રહેલા અને માતૃભુમી માટે શહીદ થયેલા જવાનોના પરિવારને સહાય અને સન્માન કરવાનો અવસર છે. SGVP ગુરુકુલ પરિવાર તરફથી દર વર્ષે આ ગૌરવપૂર્ણ સેવા થઇ રહી છે.
ગુરુકુલ દ્રોણેશ્વર ખાતે પણ પૂજ્ય પુરાણી સ્વામી શ્રી ભક્તિપ્રકાશદાસજી સ્વામીના પાવન સાનિધ્યમાં વિદ્યાર્થીઓએ ધ્વજવંદન સાથે વિવિધ દેશભક્તિના સાંસ્કૃતિક કાર્યક્રમોની રજૂઆત કરીને પ્રજાસત્તાક દિનની ઉજવણી કરી હતી.

 

 

Enrollments in New School - Gurukul Droneshwar

School Inauguration - Gurukul Droneshwar - 09-Jun-2016

 

 

સદ્‌ગુરુવર્ય શાસ્ત્રી શ્રી માધવપ્રિયદાસજી સ્વામીની પ્રેરણા અને પુરાણી શ્રી બાલકૃષ્ણદાસજી સ્વામીની આગેવાની નીચે, શ્રી સ્વામિનારાયણ ગુરુકુલ કુમાર તથા કન્યા વિદ્યાલય – દ્રોણેશ્વરનો પ્રથમ પ્રવેશોત્સવ તા. ૦૯-૦૬-૨૦૧૬, ગુરુવાર ના રોજ પ્રવેશોત્સવ, વિદ્યાર્થીઓના વાલીઓ અને અનેક મહાનુભાવોની ઉપસ્થિતિમાં ઉજવાયો હતો. આ પ્રસંગે પ્રથમ ઉદ્ઘાટક તરીકે પુરાણી બાલકૃષ્ણદાસજી સ્વામી તથા વિશેષ અતિથિ તરીકે ગુજરાત રાજ્યના ઉર્જા મંત્રી ગોવિંદભાઇ પટેલના વરદ્ હસ્તે દીપ પ્રાગટ્ય કરવામાં આવ્યું હતું.

આ પ્રસંગે  શામજી ભગતે જણાવ્યું હતું કે અત્યારે સાંપ્રત્ સમયમાં સંસ્કારયુક્ત શિક્ષણની ખાસ જરૂર છે. બાળક તો એક માટીનો પીંડ છે તે ને સંસ્કારયુક્ત કરવો એ શિક્ષક અને સંતની જવાબદારી છે. ગુજરાત રાજ્યના ઉર્જા મંત્રી ગોવિંદભાઇ પટેલે જણાવ્યું હતું કે શાસ્ત્રી શ્રી ધર્મજીવનદાસજી સ્વામીએ હિમાલયમાં ગુરુકુલ અંગેનો કરેલો નાનો એવો સંકલ્પ એક વટવૃક્ષ બની રહ્યું છે. ગુરુકુલ બાળકોને સંસ્કારયુક્ત શિક્ષણ આપે છે તેથી અમને ખુબ જ આનંદ થાય છે. આજે દ્રોણેશ્વર ગુરુકુલના આંગણે કુમાર અને કન્યા વિદ્યાલય કરેલ છે તે આવકારદાયક છે. પુરાણી શ્રી બાલકૃષ્ણદાસજી સ્વામીએ જણાવ્યું હતું કે ખરેખર આજનો દિવસ ગુરુકુલ માટે ઐતિહાસિક અને અવિસ્મરણીય છે. 

આજની તારીખ ૦૯ જે પૂર્ણાંક કહેવાય છે તેમા પણ ગુરુવાર જે શાસ્ત્ર પ્રમાણે શ્રેષ્ઠ ગણાય છે. આ સંસ્કારધાત્રી ગુરુકુલ સંસ્થામાં અત્યાર સુધીમાં ૫૦,૦૦૦ વિદ્યાર્થીઓએ સંસ્કારસભર કેળવણી મેળવી દેશ-વિદેશમાં રહીને પણ સંસ્કાર જાળવી રાખ્યા છે. 

આ પ્રસંગે ભંડારી શ્રી હરિકૃષ્ણદાસજી સ્વામી, શ્રી સૂર્યકાન્તભાઇ પટેલ, નૂતન પ્રવેશ પામેલ વિદ્યાર્થી અભય કુમાર કોરાટે પ્રાસંગિક પ્રવચન કર્યા હતા. 

આ પ્રસંગે શ્રી અશ્વીનભાઇ આણદાણી, શ્રી પુરુષોત્તમભાઇ ઠુમ્મર, શ્રી હરિભાઇ દુધાત, શ્રી બાલુભાઇ કુંભાણી, શ્રી પ્રેમજીભાઇ સેંજલીયા, શ્રી ધીમંતભાઇ શાહ, શ્રી પુંજાભાઇ પરમાર વગેરે મહાનુભાવો ઉપસ્થિત  રહ્યા હતા.  

પ્રાસંગિક પ્રવચન બાદ પ્રથમ પ્રવેશ પામેલ વિદ્યાર્થીઓ દ્વારા લઇ આવેલ શુકનમાં શ્રીફળ અને સાકર ઠાકોરજીને ધરી સંતો અને શિક્ષકોને અર્પણ કરેલ ત્યાર બાદ પુરાણી શ્રી બાલકૃષ્ણદાસજી સ્વામીએ દરેક બાળકને કપાળે કુંમકુંમનો ચાંદલો અને કેસરની અર્ચા કરી શાળા પ્રવેશ કરાવ્યો હતો.

 

Dharmajivan Hostel Inauguration - Rudraprayag

As you know...

   Heavy floods damaged properties & livelihood  In Uttarakhand India June 2013. SGVP Gurukul Parivar took pledge for rehabilitation work in Rudraprayag area, and reconstructed Shree Dharmajivan Sanskrit Hostel, which was heavily damaged by rain disaster.

   Inaugural ceremony of this grand hostel was performed on 1st November 2015 in divine presence of HH Shastri Shree Madhavpriyadasji Swami, HH Pujya Swami Chidanand Sarasvatiji Maharaj & Education Minister Shree Mantriprasad Naithani & other dignitaries.

   We thanks to all the donors who have supported & contributed to this project. 

Named after Lord Shiva (Rudra), Rudraprayag is situated at the holy confluence-SANGAM of Alaknanda and Mandakini rivers.

   Bhagwan Shree Swaminarayan visited this place as a Nilkanth Varni.

  It is believed that to master the mysteries of music, Narad Muni worshipped Lord Shiva here for hundreds years.

   Inspirational and ideal object is Gurudev Shastriji Maharaj got inspiration to re-establish ancient Gurukul Tradition from this place.

   The entire region is blessed with immense natural beauty, places of religious importance, lakes and glaciers.

 

ઉત્તરાખંડના સુપ્રસિદ્ધ રુદ્રપ્રયાગ ખાતે શ્રી સ્વામિનારાયણ ગુરુકુલ વિશ્વવિદ્યા પ્રતિષ્ઠાનમ્‌ (SGVP) ના અધ્યક્ષ સ્વામી શ્રી માધવપ્રિયદાસજી સ્વામી તથા પરમાર્થ નિકેતન આશ્રમના અધ્યક્ષ શ્રી ચિદાનંદ સરસ્વતીજી મહારાજ (મુનિજી) વરદ હસ્તે શ્રી ધર્મજીવન છાત્રાવાસનો લોકાર્પણ વિધિ ભારે ધામધૂમથી ઉજવવામાં આવ્યો. આ પ્રસંગે ઉત્તરાખંડના શિક્ષામંત્રી શ્રી મંત્રીપ્રસાદ નૈથાની મૂખ્ય અતિથિ તરીથે ઉપસ્થિત રહ્યા હતા.

આ પ્રસંગે સ્થાનિક સચ્ચિદાનંદ વિદ્યાલયના પ્રધાનાચાર્ય શ્રી રામપ્રસાદજીએ જણાવ્યું હતું કે, ઇ.સ. ૨૦૧૩ માં અહીં ભયંકર હોનારત થઇ ત્યારે આ છાત્રાવાસ અત્યંત ક્ષતિગ્રસ્ત થયેલો અને એમાં વિદ્યાર્થીઓને રહેવાનું જોખમરુપ હતું. આવા સમયે છેક ગુજરાતથી અહીં પધારી સ્વામી શ્રી માધવપ્રિયદાસજીએ SGVP ટ્રષ્ટ દ્વારા લાખો રૂપિયાના ખર્ચે આ વિશાળ ધર્મજીવન છાત્રાવાસનું નિર્માણ કરાવી આપ્યું એ બદલ ઉત્તરાખંડ નિવાસી અમે સર્વે સદા એમના ઋણી રહેશું.

આ પ્રસંગે સ્વામી શ્રી માધવપ્રિયદાસજીએ જણાવ્યું હતું કે, ઉત્તરાખંડની જળહોનારત પ્રસંગે અમારે આ દેવભૂમિની સેવા કરવાની હતી. પરંતુ સેવા કઇ રીતે કરવી એ અંગે મુશ્કેલી હતી. ભગવાન શ્રી સ્વામિનારાયણની પ્રેરણાથી આ શ્રેષ્ઠ સ્થાન અમારા ધ્યાનમાં આવ્યું. આ સ્થાન સાથે અમારો અલૌકિક સંબંધ રહ્યો છે.

ભારત જ્યારે આઝાદ પણ નહોતું થયું ત્યારે ગુરુદેવ શાસ્ત્રીજી મહારાજ શ્રી ધર્મજીવનદાસજી અહીં પધારેલા અને આ પીપળાના વૃક્ષ નીચે બિરાજમાન થયા હતા. એ સમયે પ્રજ્ઞાચક્ષુ શ્રી સચ્ચિદાનંદજી મહારાજ થોડા ઋષિકુમારોને વેદ ભણાવી રહ્યા હતા. વેદના સ્વરો સાંભળતા ગુરુદેવ શાસ્ત્રીજી મહારાજના હૃદયમાં આ ગુરુકુલ પદ્ધતિને પુનઃસ્થાપિત કરવાની પ્રેરણા પ્રાપ્ત થઇ હતી.

સોનામાં સુંગધ ભળે એમ અહીં ભગવાન શ્રી સ્વામિનારાયણ નીલકંઠ વર્ણીના વેશે પધારેલા છે. આ પવિત્ર સંગમ સ્થળે નારદજીએ વર્ષો સુધી તપશ્ચર્યા કરીને શિવજી પાસેથી સંગીતની શિક્ષા મેળવી છે. માટે આ અતિ પવિત્ર તીર્થ છે.

અહીં એકબાજુ ભગવાન કેદારનાથજીના ચરણોમાંથી વહેતી મંદાકીની અને ભગવાન શ્રી બદ્રિનાથજીના  ચરણામે ાથ્ં ાી અલકનંદા જેવી નદીઓ પવિત્ર સંગમ સર્જે છે. આ સંગમ શૈવી અને વૈષ્ણવી ધારાના સમન્વય સમાન છે. આવા પવિત્ર સ્થળે આ વિશાળ છાત્રાવાસનું સર્જન કરી દેવભૂમિ હિમાલયની સેવાનો અમને અવસર પ્રાપ્ત થયો એનો આનંદ છે. આશા છે કે આ સ્થળે વેદોના સ્વરો ગુંજતા રહેશે. સંસ્કૃત શિક્ષણની ભાગીરથી વહેતી રહેશે અને ભારતીય સંસ્કૃતિની રક્ષા કરશે.

આ પ્રસંગે મુનિજી મહારાજે મંગલ આશીર્વચન આપ્યા હતા. મંત્રી શ્રી નૈથાનીજીએ છેક ગુજરાતથી અહીં આવીને આવા શ્રેષ્ઠ ધર્મજીવન છાત્રાવાસના નિર્માણ બદલ રાજ્ય સરકાર વતી આભાર માન્યો હતો અને ગાય, ગંગા, સંસ્કૃતી અને ભાષાના રક્ષણ માટે બધું જ કરી છૂટવાની ખાતરી આપી હતી.

આ પ્રસંગે ઓર્ગેનીક ઇન્ડીયાના અધ્યક્ષ મૂળ ઇઝરાયેલના અને હાલ ઓસ્ટ્રેલીયા નિવાસી ભારતમિત્ર ૨૦ દેશના સંગીત પ્રતિનિધીઓની સાથે ઉપસ્થિત રહ્યા હતા અને પ્રસંગની સમાપ્તિ બાદ સંધ્યા સમયે ગંગાજીની આરતી વખતે દિવ્ય સંગીતની પ્રસ્તુતી કરી હતી. સ્થાનીક કોટેશ્વરના મહંતશ્રી શિવાનંદજી મહારાજ, ઋદ્રનાથ મંદિરના મહંત શ્રી ધર્મનંદજી મહારાજ, નગરપતિજી તથા નગરપંચાયતના સભ્યો તેમજ નગર નિવાસી ભાઇ-બહેનો સારી સંખ્યામાં ઉપસ્થિત રહ્યા હતા.

આ પ્રસંગે આટલું સુંદર બાંધકામ રાહતભાવે જેમણે કરી આપ્યું તેવા શ્રી થાપલીયાલજીનું બહુમાન કરવામાં આવ્યું હતું. આટલા ઊંચા પહાડી વિસ્તારમાં બાંધકામ કરવું ભારે કપરું હોય છે, પરંતુ સ્વામી શ્રી ભક્તવત્સલદાસજીના માર્ગદર્શન તથા ગોવિદસ્વામી, શામજીભગત, લાલજીભાઇ તથા સુનિલભગત (સ્વામિનારાયણ આશ્રમ) વગેરેના સાથસહકારથી સરળ રીતે સંપન્ન થયું.

આ પ્રસંગે ગુલાબી પથ્થરની સુંદર કોતરણીવાળી છત્રીમાં ભગવાન શ્રી નીલકંઠ વર્ણીની સ્થાપના કરવામાં આવી હતી અને સ્થાનીક સંસ્કૃત વિદ્યાલયના વિદ્યાર્થીઓએ એમની નિત્યપૂજાની વ્યવસ્થા સંભાળી લીધી હતી.

Pages